منتديات ستار نور تايمز

أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمــات، كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

منتديات الإبداع و التميز

السلام عليكم و رحمة الله تعالى و بركاته، إخوتي الكرام: المنتدى منتداكم انشئ لخدمتكم فساهموا معنا للنهوض به، تحياتي رشدي (المدير)


    قصيدة صقر الجزيره // من اجزل ماسمعت

    شاطر
    avatar
    المدير
    مدير عام للمنتدى

    عدد المساهمات : 50
    نقاط : 47
    تاريخ التسجيل : 29/04/2010
    العمر : 30
    الموقع : الجزائر

    قصيدة صقر الجزيره // من اجزل ماسمعت

    مُساهمة  المدير في الأحد مايو 09, 2010 12:07 am

    هذه قصيدة قدمها الشاعر // مرزوق بن سعد المطرفي الهذلي

    بين يدي صاحب السمو الملكي الامير سلمان بن عبدالعزيز آل سعود في قصر سموه بالرياض



    بديت بحمد رب البيت منزل سـورة الإنسـان عظيم الملك وعظامٍ بلـت فـي يـوم يحييهـا
    إليكم ما يلي شعر هذلي من هاجـسٍ نشطـان نحت جزل البيوت ولا تمـوت أبيـوت يبنيهـا
    قِصيده صاغها منقوشـة الياقـوت والمرجـان إلى نسل الزعيم الفيصلـي مـرزوق يهديهـا
    هل الحكم المجيـد وعزنـا فـي درة الأوطـان عيـال معـزي اللـي مبهـر الدنيـا وماليهـا
    عيال الفيصلي عبـد العزيـز مجـود البنيـان ملك لا من طريت اسمه عدود المجـد يرويهـا
    كريم الأصل حر الفصل حـرٍ مطلـق الجنحـان معرب مـن سلالـه حاكمـه والعـز كاسيهـا
    عبد الرحمن بن فيصل وتركي ثانـي الجـدان ولد عبد الله اللي عقََّبـه مـن كـان مرسيهـا
    هذاك محمد اللي أسس الأولـى علـى القـرآن وأبوه سعـود وآل سعـود تنسبلـه باساميهـا
    بن محمد ولد مقرن ومقرن من ظهر مرخـان بن إبراهيم بن موسى وموسـى مـن معاليهـا
    هذاك ابن ربيعه شبل مانـع زاكـي السيسـان مريدي والمريدي في حنيفـه مـن رواسيهـا
    هذه بيت النقا دين وتقى والساس في عدنـان نسب در وذهب مـا خالطـه عـرقٍ يرديهـا
    هذه صقر الجزيره يومها كانـت بـلا سلطـان عرب ثارات والغـارات فـي شتـى نواحيهـا
    أحدهم ما قرا بإن الجروح قصـاص فالفرقـان على ما هو لقى قال النقـا وإبليـس قاضيهـا
    أحد يقنى الحجر واحد يتبرك بالشجر مرضـان والآخرماتطهّـر للـصـلاة الـلـي يصليـهـا
    أمن معدم وفقر وجوع وضعوف العبـاد تهـان تخابط والترابط غيـر ضابـط بيـن اهاليهـا
    وهو فأرض الكويت وباسـطٍ كفيـه للرحمـن يفرجهـا ويقنـع والـده فـي رد ماضيـهـا
    وفي ساعه على طارف من الديره لقـاه وبـان جواب الدعـوه اللـي بثهـا لاسمـاع باريهـا
    نصاه ومن بعد قبـل يـداه وراسـه المليـان فَرَش بشته وقال: اجلس يبه والحـال يبديهـا
    يبه نجـد العذيـه حـرةٍ ورثـه لهـا ضمـان وحنـا وسمنـا فيهـا لــك الله مانخليـهـا
    نظر فيه الامام بعين حرص وخاطـره شفقـان وقلَّه: كيف؟ قـال: السيـف يعقلهـا ويثنيهـا
    ابي منك السماح وبالسلاح وفزعـة الفرسـان وبأمر المعتلـي رب العبـاد إن الوعـد فيهـا
    أخذ مايسر الله من عراب ومن زهـاب وحـان مسيـر الأربعيـن وبـارق الوحـده يباريهـا
    وحث الجيش صخفات الأيادي شمـخ النيبـان علاهـا الكـور والباكـور فالممشـى يعديهـا
    وقاد العاديات الصافنات اللي برسـن وعنـان وسار السير حيث الخيـر معقـود بنواصيهـا
    تقدمها الأسـود آل السعـود وكلهـم شجعـان هل العوجـا مقابيـس الظـلام وعـز ناخيهـا
    لها في كل هيه نار حيـه عـزوت الضفـران مِفتِلـت العضـود وعجـت البـارود كاديهـا
    وكملهـا وجملهـا الإلـه الـواحـد المـنـان على سنة هدى تمشـي وعيـن الله تراعيهـا
    وصل ضلع الشقيب وحكَّم الخطه بكـل اتقـان براعـة عبقـري ماينقـري وعـداه قاريهـا
    ثلاث أقسام قرَّرها كما الحبَّـه علـى النيشـان الأولى في جَنَاب الضلـع لَيـن العِلـم ياتيهـا
    واخذ قسمين ساروا لَين حلَّو داخـل البستـان وامر خيَّـه محمـد بالمرابـط فـي ضواحيهـا
    وقِسم بصملته قـاده صميـدع راس وكحيـلان على الأقـدام والضرغـام فالممشـى يقديهـا
    دخل بطن الرياض وناض برقٍ شـرع البيبـان واخـذ يتفقـد الأوضـاع والخطَّـه يمشيـهـا
    بعدها ارسل لخوه محمد اللي فالضواحـي كـان وجاه بساع معه سباع مـا تخشـى غداريهـا
    على المصمك سرا ليله وفيه مشبهِر الاعيـان حدق عينه كما جمره من الصملـه مواضيهـا
    وصبَّحهم على وضح النقا ومقابـس النيـران كما حـس الرعـود العقربيـه فـي مناشيهـا

      الوقت/التاريخ الآن هو الجمعة نوفمبر 24, 2017 1:15 pm