من قديم شاعرنا الكبير سعد بن جدلاناخترت لكم دره من درر الشعر النبطي
***
يالله ياللي خشيتي منه واملي في رجاه
ياقديرٍ تقدر تظل عبدك وتهديه
لاتنقّص لي مع طيبين الجاه جاه
مع طويلين اليماني وبيضان الوجيه
حزةٍ لامن بغى الرجل مقداره لقاه
ينعرف فيه الجناب المقدّر والسفيه
وابن ادم راس ماله على قيد الحياه
الوفا مع من يعاشر وبره والديه
والاوادم عندنا كل واحد له صفاه
وكل مرءٍ له اناءٍ يجيه قراه فيه
احدٍ ندري بغيضه وندري عن رضاه
له علي حقٍ يعرفه ولي حقٍ عليه
واحدٍ اقدر اللي يعزه من غلاه
واعناله لو دياره بعيدٍ لين اجيه
وان حضر نورٍ بوجهه ودرعٍ في قفاه
لاحضر بينت قدره ولاغاب احتميه
واحدٍ لا أفرح بطيبه ولا ازعل من رداه
لو من الجمر الموقد يفرشني يديه
يالبيب العقل بهديك من عندي وصاه
كود قلبك لاتذكرتني تطري عليه
الشبا لاناشه الما ينقّص من شباه
والرطوبه والطلوله تصدي بالجنيه